Boracay: Day 0

"Last call for passenger Garra-Lena E. Aguila..."

(Bespren ko ung pangalan ng nasa taas)
Before pa ang napakasayang bakasyon ko at ng aking mga highschool barkada, aba'y sandamakmak na adventure pa ang aming kinaharap. Sari-saring emosyon na talaga namang nagpatawa, nagpadrama at higit sa lahat eh nagpakaba samin. 

MUNTIK NA KAMING MAIWAN NG EROPLANO!  

Haha! Pero bakit nga ba umiral na naman ang katangahan namin at muntik- muntik pang maglaho ang pinapangarap naming paglangoy sa isla ng Boracay?

Rewind tayo ng konti.. :)

Filipino time is on time! lols.. hindi ata talaga to maipipilit satin.. dakilang late kasi talaga tayo madalas.. sa lakaran, sa meeting. Alas sais ang kitaan sa jollibee dito sa may parte ng Laguna. Alas-9 kasi ang flight namin papuntang Kalibo island. Ako pinakamalapit sa meeting place kaya malamang ako mauuna.. Pero kung tutuusin sakto lang ako dumating sa lugar na yun. Alas-7 na kami nakaalis mula sa kitaan at sumakay ng jip patungong sucat. Wala namang naging problema at mabilis ang aming byahe. Pagdating sa Sucat ay sakay naman kami ng Taxi papuntang Gate 3 ng terminal ng eroplano. PAL airlines kasi ang ticket na pinabook ko.

Perstaym naming 5 na magtravel papuntang Bora at perstaym din sasakay ng eroplano (bukod sa isa kong kaibigan na nakaexperience ng sumakay sa airplane (wow sosyalin))... Alas-8 na ng makarating kami sa Terminal Gate 3, ang kaso...

Hindi pala dito ang terminal ng PAL papuntang Kalibo! Dun daw sa terminal 2! Ang masaklap, isang oras ang byahe papunta pa lang dun. Lahat kami kabado na... Dito pa lang e tumatakbo na kami at naghahanap ng shuttle na papunta daw sa terminal 2.. kaso ang bagal ng pila kaya nagdecide na kami na magtaxi.. Waaahhhh!!!!

Sa loob ng taxi, tahimik na ang lahat.. meron nagpapatawa pero halatang para kalmahin lang ang sarili. Nakupo! Naman! Inabot pa kami ng stoplight. Hintay ng konti.. sabay Green na! Ang kaso, ang mamang nakagreen ay ayaw pang magpa-Go.. Ayos! Para san pa't may stoplight manong? Panalo talaga si manong at halos sumpain namin at pinagplanuhan na ipatira sa hired killer (suri naman dala lang ng emosyon)...

Sa wakas, nasa terminal 2 na kami, 5 minutes before 9am! Pinauna na namin ang isa naming kaibigan para asikasuhin na ang aming mga tiket at para iinform na din sila na wag papaalisin ang eroplano dahil may 5 pasaway na pasaherong eengot engot.. hahaha! Btw, siya ung nalate kanina kaya eport kung eport talaga!! :D

Dali-dali kami sa kilos.. Hala, sige takbo... putek perstaym sasakay ng eroplano ganito pa nangyari! nakakatawang nakakaloka talaga.. Pati pagtanggal ko ng sapatos para sa paginspection eh dali-dali dahil baka maiwan ng eroplano. Panalo talaga sa experience!

Minsan masaya ding maging tanga, lalo na pag di ka nagiisa! Pero ang natutunan ko, maging engot ka na kahit saan wag lang sa terminal ng eroplano... kasi muka ka talagang tanga. As in! haha! Hep-hep, hooray!!

Eto na lang patunay na umabot naman kami. Hehe! :D