Minsan parang Tanga lang

Halos malapit ng dumampi ang mapupulang niyang labi ng biglang may naaninag kang isang bagay na papalapit sa iyong mukha… lumilipad.

“Lutang ka na naman” sigaw ng titser di maipinta ang pagmumuka. Sabay tawanan ng mga kaklase mo kasama na ang crush mong napadaan lang nung mga oras na yun. Napahiya ka na naman, at sa harap na naman niya. Hindi sinasadyang makuha mo ang atensyon niya at kayo’y nagkatitigan ng mga dalawang segundo habang siya’y natatawa. Sulit na kapalit ng bukol sa ulo, Kumpleto na din ang araw mo! Madalas ka pang makita ng mga barkada mong nagtatatakbo habang may hawak na walis tambo na para bang hinahabol ka ng kampon ng mga kadiliman at hinihintay na sagipin ng mga idolo mong “maskman.” Paparating lang pala ang crush mong si Angela… parehas pala kayong “cleaners” nung araw na yun.

inagaw ka sakin

Kung nasan ka man sana masaya ka na sa bago mong kasama.

Matagal din ang pinagsamahan natin. Lagi kitang kasama sa lahat ng oras. Bawat minuto, bawat oras. Madalas pa nga tayong mapuyat ngunit ako'y masaya. Siguro nasayo na ang lahat.. saya, lungkot, takot, kalokohan. Kung ano-anong feelings na ang naibahagi mo sa akin.